同細Roy一齊去睇左<<越空行者>>整體唔算係好好睇,個結局仲有D平淡添,不過
竟然俾我見到Anna Sophia Robb有份演出,雖然只係開頭果十幾分鐘,後來因為個角色
大個左所以換左人,不過意外地見到佢有份真係好開心呀~
對於<<越空行者>>,題材講一D擁有穿越空間能力既好少數人,佢地可以自由去
世界任何一個地方唔受空間既限制,去銀行金庫偷錢啦,去獅身人面像頭上食下午茶
等等。不過片中有一D專門殺佢地既,後來就展開左一D生死戰喇~
睇完之後我諗起因為我好鍾意一D異能呀、神秘呀宇宙咁既事情,所以我會成日
想像自己會擁有異能,而o係我既想像世界當中係唔單只我一個人有異能架,係一部份
人類因為宇宙能量影響先後有三次有機會得到異能,而且一個人可能唔單只擁有一種
能力,我就係少數異能者當中擁有多重異能既人。大部份多重異者會因為先後三次既
宙能量影響一步步咁得到三種能力,而我既特別之係因為我本身有五重人格所以一開
始已經得到五種能力,我既能力分別係本人既主人格(異能無效化)、女性人格(變
身)、小朋友既人格(物件浮移)、壞人人格(雷電)、自閉人格(保護壁)。故事
一開始係異能者特然間o係世界各地出現,社會民生因此出現變化,有人開始對哩方面
既事進行調查,亦有一D異能者利用能力做不法行為,當然亦有一D正義既異能者出
現黎對抗啦,圍繞住好多既打鬥,查案,世界開始成立一個組織黎管理第一班能者,
希望捉晒佢地去同一個地方,而我因為(異能無效化)逃過左,後來加入地下異能組
織,佢地都係一D強者,立志對抗用能力做不法行為既異能者。跟住第二第三次既宇
宙能量衝擊,令到得到異能既人更多,世界上冇異能既人變成少數,而新既異能者既
又比之前更強更超自然,發生既戰鬥就更加激烈。再後來異能者當中又開始出現進階
者,就係一D可以同時用兩種以上異能既人產生出新既能力,或者係用一種異能超越
極限產生出新既能力,為之進階者。更後來又出現一D靠科技增幅能力既幻翼一族。
當世界已經俾異能者反轉既時候,最大既問題終於出現,原來一直以黎既宇宙能量衝
擊係黎自一粒好搖遠既彗星,當彗星愈來愈接近既時候異能者既能力開始變得強大,
而哩粒彗星接近地球軌道時,竟然係會發生直接撞擊地球。哩個時候願意企出黎阻止
哩件事既異能者當中只有我既能力可以派上用場,計劃係首先用(保護壁)低檔衝擊
波,然後用(物件浮移)黎移開彗星,當然,本來係唔可能有咁強既力量架,只係因
為彗星愈接近異能者既能力就變得愈強先可以有哩個效果,但到左當時只係靠一個人
既精神力始終不足,最後當彗星接近到已經碰到(保護壁)張地球推離正常軌道既時
候,有一個可以用(傳心術)既異能者去呼喚全世界既異能者張能力借俾我,最後我
身上聚集左全世界異能者既力量,用超強能量(雷電)粉碎左彗星解決左事件,異能
亦因為彗星被粉碎既消失。不過因為彗星撞擊地球已經離開左原本既軌道,而我就用
最後殘留o係我體內既異能張地球移返到正常軌道上。世界上全部既異能同我既精神同
肉體o係哩件事之後都一齊消失晒。哩個就係故事既結局。不過唔好以為我就咁就冇繼
續想像低去,哈,故事既續集係講我變成哩個世界既傳說,而我真正既去向係變成左
外側者既存在,唔受時間空間既限制。地球人因為異能事件既發生,令下一代好容易
就可以引發出體內既潛能,只要進行一D修煉就可以有好大既力氣,用氣功,超動態
視力等等,而我哩個傳說成為左一D少年尋找既目標,而o係尋找既過程中又發生好多
新既故事,我仲o係度想像緊~
真係沒完沒了呀~ ^口^~