<<貓影心聲>>:當我看到一齣好的電影、短片、甚至是一個生活片段,要是有深感受的也會寫下來跟大家分享~
目前分類:貓影心聲 (5)
- Sep 18 Tue 2007 19:27
介紹
- Dec 18 Fri 2009 21:27
破~
就係第二個零波麗呀~
><
因為佢一把藍色既短髮同埋沉默既態度就令我開始注意佢喇,
而且一路見到佢因為好多既事慢慢讓佢空白既心填上色彩,
都令我鍾意哩個角色,
直至到第三個零出現,
一步步揭開佢既身世時我覺得有D可惜....(都唔係有D喇><)
其實係好可惜~
但今次既劇場版佢地讓真嗣救返第二個零,(睇左咁多日先有哩個醒悟=.=~死未)
感覺好似補完返我心靈既可惜之處(唔通哩個就係佢地今次既目的「觀眾補完計劃」XD~)
不過因為咁真係有興趣睇埋落去~
- Nov 04 Wed 2009 20:08
This is it~
因為一D原因,所以我係有興趣去睇既~
不過老實講,
入戲院之前我冇諗過亦都唔知道內容係咩,
只知道有關MJ,
結果?!
坐左兩個鐘頭,
最後既半個鐘真係覺得好悶,好想走,哈...
我始終有一個好切深既感受,
米高既舞台係音樂,人,效果都就晒佢,
佢請最好既樂師,最好既舞蹈,
米高話要改,佢地就做到,
每個工作員都話...「米高最緊要你鐘意」
............................................................................
要就晒每一個人,
你孤單左咩,你唔鍾意咩,你做唔到咩~
對比之下一個係正三角形一個係倒三角形...
都真係令我幾深刻!
我明,我係邊個丫?我係咩丫?
有已經係恩賜啦,
其實...
就只不過係咁.....
- Feb 20 Wed 2008 03:48
越空行者 (Jumper)
對於<<越空行者>>,題材講一D擁有穿越空間能力既好少數人,佢地可以自由去
睇完之後我諗起因為我好鍾意一D異能呀、神秘呀宇宙咁既事情,所以我會成日
真係沒完沒了呀~ ^口^~
- Sep 19 Wed 2007 05:28
未來戰士1,2,3集
相信大家對未來戰士呢一齣老片一D都唔會陌生,話說有一晚我見到我媽媽o係電視睇緊未來戰士第三集,我又心血來潮想睇渦(其實我係第一次正式咁去睇+_+~),跟住我就去左Foxy度搵喇(而家哩個時代太方便喇=_=”),結果我一次過下載晒三集o黎睇,都有一D感受呀,同大家分享一下啦~
未來戰士第一集--
一齣講述人類同電腦既戰爭,戰事由未來漫延到過去......劇情唔講咁多喇,相信大家都會略知一二。其實第一集亦都冇咩特別,只係一齣當時好有創意既科幻電影,我只係欣賞佢既拍攝手法,同電腦特技、電影化妝等等,不過電影中都反映出好多美國人既生活文化,對性愛既開放程度,一D社會觀念、風氣等,我發現原來舊時香港既明星髮型同衣著都同當時片中既人幾相似~ ^^~,應該係受到佢地既影響,感覺幾得意~
未來戰士第二集--
好多人會話續集通常會拍得差過第一集,不過哩齣電影顯然唔係,無論係電腦特技,劇情性,都比第一集做得更好。如果你係第一次睇,你一開始可能會估唔到第一集既殲滅者已經變成o黎保護主角既人,而且好多場面都拍得令人更加緊張。電腦特技方面,液態機器人T-1000係好犀利既效果,佢可以話比人知,以後既電影係冇咩唔可能,變任何野任何人,天馬行空,電腦特技已經同真實世界睇唔出破綻!
不過我最有感受想寫既其實係片中一個好短既劇情、幾十秒既畫面。小主角康約翰要o係電話亭打電話俾佢既養父母,點身上冇散銀,跟住佢問阿諾舒華辛力加話:「你有冇散子呀?」(當然,原本佢係講英文^_^")跟住阿諾舒華辛力加一句野都唔講,黎手就打爛個電話既錢箱部份,然後拎起一個銀仔俾佢。哈,其實佢幾型架,不過我就做唔到喇。我見到之後突然有一個諗法,o係現實生活中有好多時我地有一D想要或需要既野,但我地冇辦法去做到或者得到,而其實果D野只不過o係身邊冇遠,只係我地俾自己既常識局限左,當然,片中既情節我地做唔到,亦都唔應該咁做,不過如果我地可以知道多D生活之中既智慧,好似開心大發現果D智識咁,我地生活係可以方便好多,係一D「生活智慧」!
未來戰士第三集--
黎到第三集,佢已經完全變成一齣商業電影,好賣既橋段又用一次,有名既明星繼續o係度,更多既火爆場面,凝造更緊張既氣氛,一架車撞牆,隔離架車竟然會無端端爆炸,一段接一段既追殺劇情,一齣典型商業電影。
不過佢同第一二集唔同既係,佢唔知點解推翻左第一二集既一個想法,未來既命運係可以變,而今集中佢地一切都只能順住命運前進。其實我都一直有去思考未來係唔係可以改變哩個問題,從一個常人既角度而言,未來係一個未知之數、一個變數,冇人可以知道佢會係點。但係如果o係一間房間,裡面只有自己一個,你係可以知道未來一兩分鐘,甚至一兩個鐘會發生咩事,因為變數好少,少到你好輕鬆就可以控制佢,但係要知道整個世界又唔同講法喇,因為太多人太多事太多變數,冇一個人可以知道同預測,更加唔好講話去控制,所以定論一「有能力既人可以改變有限度既未來。」
另一方面諗,其實一個人好想去做一件事,但係又唔一定可以做到。唔好講唔合理既事先啦,就係合理既事,好似讀書想升邊一班,同邊個朋友最好,同情人一生一世,哩一D事往往都好容易事與願違,有時就算你幾努力到頭來都會落空,但有D人唔需要去做D咩,又竟然會得到。再講,可能連一個人幾時發奮、會唔會去努力,定係一直都唔會有鬥心,都係注定左,點解會遇到哩個人,可能遠o係三分鐘前注定左,而哩三分鐘前發生既事又由其他既事引發,而哩D事又o係三十年前引發到而家?又或者你既基因一早就決定你係一個點既人,係男係女,有咩長處,會鍾意D咩,選擇咩成為你既生活方式、人生方向,所以定論二「有一部份事情一早由其他因素決定」
如果o係神學去諗我會覺得更加奇怪。神係一位全知全能既神,佢能夠預言一切既發生,知道每一個人既過去將來,你未出世佢已經知道你既存在,咁係咪即係其他所有事佢都決定晒,根本係注定?所以定論三「一切神已經決定好」
不過我知道無論係唔係一早注定都好,人係需要努力過先會成長,所以為未知既未來而奮鬥,就算只能夠改變有限度既事情,起碼我都唔會白做,因為經歷過既事永遠都存在o係我既智慧裡面!